خط أحمر
مايتبلِّش ف بُقك فوله
باشواقنا تبوح بسهولة
حبيبي يا ريت ما تتكلمش
على غرامنا لدول او دولا
بروح صافية وقلب سليم
بتحكيلهم عشان بتهيم
جايز فيهم ثنائي الوش
نفوس جافية قلوبها جحيم
ليه تشغلهم بحالنا وبينا
ف افراحنا يأروا علينا
واي خلاف ما بينا وتاتش
هتلقاهم بيشمتوا فينا
ماتفرقشي غريب وقريب
دي نواياهم ف علم الغيب
عشان نرتاح مانتندمِّش
على نفوسنا نجيب العيب
بيتمنوا زوال النعمة
وحبك ليا اكبر نعمة
ولا تصرح ولا تلمحش
ولا تعرَّف بصير او اعمى
عايز عشقك يحسه الكون
وبيه تتباهى وسط الكون
تعالى احكيلي قول ماتخافش
انا اسمعلك بكل الكون
هوانا يا عمري خط أحمر
وبالكتمان يعيش اكتر
غرامنا وشوقنا بِنَّا وبس
نحاجي عليه عشان يكبر
خط احمر
بقلمي/ خالد جمال ٥/٩/٢٠٢٤
