حب البقشيش مايناسبني بقلم
ابن الخضراء عبدالله العمراني
حبيت مرة وانسحبت
ضنيت الحب يساعدني
يعطيني ما عليه اشرهت
في عيشة حلوى تبسطني
مع انسانه ليها اخترت
مسرارة كثير وعجبتني
ليها ياسادة اتقدمت
من أول ثانية طمنتني
ومعاها في غرضي دخلت
واحكيتلها بللي يهمني
قلتلها أنا بيك نفحت
وعيونك روعة وسحرتني
واخدودك منهم امرجت
وبسماتك في الجاش لدغتني
ومقامك مذهل ليه محت
فيه وقعت وليك جذبني
انت اول حواء عشقت
ايه رايك ممكن تحضني
وبحساسي هاني صارحت
قول الحق وما تبخلني
اذا انت بجنابي افرحت
احكي الواقع بيه صارحني
من كثرة ماليها شكرت
بالرد امتاعها فاجئتني
قاتلي رئيك أنا بيه ماقتنعت
لكن انت ايش تمنحني
قلتلها أنا عليك مافهمت
قاتلي اش تكسب اعلمني
ساعتها وين الصدق عرفت
انها اتحب الرزق وماتنفعني
ابعدت على روحي وحلفت
على حواء معاد تقربني
ومن يوميها انسحبت
حب البقشيش مايناسبني
