رجوع الروح
تعبنا من البعد والليل طول في الوريد
وضاعت سنين من عمرنا ما بين خوف وعناد شديد
نمشي في طرق موحشة ونقول بكرة أكيد
ولا عرفنا راحة قلب ولا حتى حلم جديد
كنا نهرب من صوت الحق جوا الضمير
ونغرق في زحمة دنيا كلها وجع كبير
نضحك وسط الخلق والقلب من جوه كسير
ونقول اهو العمر ماشي ولو حتى المصير خطير
شافنا الزمن تايهين في دايرة من الدخان
لا احنا لاقيين أمان ولا مرتاح إنسان
كل باب خبطنا عليه لقيناه مليان حرمان
وكل خطوة بعيد عن النور تزودنا خسران
ليل طويل فوق الكتاف والحزن
مالي العيون
وصوت جوانا بيصحى يقول ارجعوا من الجنون
كفاية خوف من الحقيقة وكفاية ألف ظنون
ده النور عمره ما يخذل قلب راجع بحنين وسكون
فتحنا باب التوبة بعد سنين من الشرود
لقينا الرحمة بتنادينا وتمحي كل الحدود
وإن اللي يرجع لربه حتى لو قلبه مجروح ومهدود
يلقى أمان يغسل روحه من التعب والسواد الموجود
عرفنا إن الهروب ما كانش يوم نجاة
وإن البعد عن الحق بداية ألف شتات
وإن القلب لما يظلم يعيش في متاهات
لكن النور يحيي الروح لو صفت النيات
رجعنا نبص للسما بعد ما كنا غرقانين
ندعي بقلب مكسور ودموعنا نازلة على الجبين
نقول يا رب سامح عبد تايه بين السنين
وأكتبله نور يهديه بعد وجع الغلابنين
هربنا كتير لكن رجعنا من جديد
لقينا باب الرحمة مفتوح لعبد عنيد
مهما يطول البعد يفضل النور أكيد
ينادي على كل قلب تايه وحيد بعيد
كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام
