خايف تجرحيني
***********
قصيدة غنائية.بالعامية المصرية
شعر..../ مهدي داود
***********
زيّ نسمةْ ليل..مر الحنان منك
زي حلم جميل..تاهت خطوتي عندك
زي موجة نيل..رماني في الهوى شطك
وأحكي ألف دليل.. عني في الهوي وعنّك
**********
كنت أهرب من حياة الحب يمكن ألتقيه
كنت عاتب عاللي ضاع الحب مرة من عينيه
كنت عايش صدفةِ الوهم اللي بندوَّر عليه
رغم كل الحزن لازم نبتدي يوم ونلاقيه
**************
لمَّا كان القلب تايه من عيونك
كنتْ فين
لما كان الحب ضايع عن حياتي
من سنين
لما مات الحب عندي لما غاب عني الحنين
والتقينا ياحبيبي رغم
موالي الحزين
************
دقْ قلبي والتقينا ..وابتدى نور الحياة
ضحكت الدنيا في عينينا وابتدى همس الشفاه
شُفتْ قلبي غنَّى جنبي..طفل غنَّى في صباه
وابتدينا يا حبيبي نحسب العمر اللي تاه
**************
رغم إنّ الحب عايشه جوة قلبي من عنيكي
من إيديكي عشت عمري لجل أهرب
منّي ليكي
يبتسملي العمر بُكرة وأخطف العمر
اللي بيكي
وأنسي ماضي..والزمان الحلو
بيعوّضني بيكي
بس خايف تجرحيني يدبل
الورد في إيديكي
بقلمي
د/ مهدي داود
