مفيش فايده
مافيش فايده .... 20
مافيش فايده الكل ف حياتنا تاعبنا ومش عارفين نداري دموعنا
أخوات وأصحاب حتى الناس اللي تعزنا وتعشقنا برضوا بالكلام توجعنا
إن كان ع المعروف قدمنا وإن كان ع الفلوس خلصنا اللي في جيوبنا
وان كان ع الكلمه الحلوه طبطبنا ودلعنا وقدمنا الحب والخير ع قد ماقدرنا
لكن فجأة الكل بيعاتبنا ويلومنا ع حسن أخلاقنا وطيبة قلوبنا
يا ترى العيب فينا ولا ف الناس اللي مش عايزة ترحمنا وديما واقفين ف طريقنا
مهما اتكلمنا وقولنا وعبرنا عن مشاعرنا وحسن نيتنا ماحدش مصدقنا
ونعمل الخير يقولوا علينا مجانين ويتهمونا ف شرفنا ويلوثو سمعتتا
حتى بعض الناس اللي تعزنا وعايشه معانا بقيت حياتنا من كتر الحب اللي ف قلوبنا ابتعدوا عنا
ونزلنا من نظرهم وعمرنا ما ف حقهم قصرنا ولا خونا ف يوم وغدرنا
مع الرغم القرش ملي جيوبنا ونقدر نعيش مع غيرهم حياتنا
لكن رضينا بالهم والهم نفسه دايما تاعبنا ومش حاسيس بطيبة قلوبنا وعمال بالكلام يجرحنا
وجاي دلوقت عايز ينفصل عنا بعد ما كتير تعبنا وجمعنا ثروه عشان نرضي الكل ونعيش حياتنا
لكن قلة الأصل طبيعه فينا من يوم ما اتوالدنا وماحدش راضي يرحمنا
الزوجه طلعت خاينه والاخ رافض وجودنا والصديق أصبح ديب مسعور ومش عايز يعرفنا
والاب مات من يوم ما اتوالدنا ومافيش غير الأم اللي شايله همومنا ودايما تدعنا
لكن تعمل ايه ف الناس ملهاش لازمة وقت الجد بتبان حقيقتهم قدامنا.
أوام وبسرعه تنزل دموعنا ومش عارفين نسيطر عصابنا
والمرض يوجعنا والفكر مشغول والصدمه كانت جامده وانتهت بفراقنا
وعشنا ف عزلة لكن كسبنا المعروف اللي ربنا عليه هايكافإنا
ونحصد الخير ف الأخره والكل يعرف اننا قد ايه اتظلمنا
يارب تهدينا وتسعدنا وتعوضنا باللي ينفعنا وترزقنا ع قد نيتنا وتنور بالايمان حياتنا ....
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا ويرسم الفرحه داخل قلوبنا ....
مع فارس الكلمه / الشاعر طاهر مختار عتيت
شاعر العصر ...... الاحساس و بس ....... تحيا مصر
طنطا ....... كفر الزيات ....... اكوه الحصه