اتحداك
((((أتحداك))))
__________________
أيوه صحيح اني اتغيرت
واستغربتك واتحيرت .. !!
بعد ما شوفت قساوة قلبك
رغم دا كله انا برضه صبرت
لو هانبدل في الأدوار
وه منضم في الأعذار
اتحداك لو يوم تتحمل
طعم حياتك يبقى مرار
اتحداك لو يوم راح تنسى
قلب أمنته وتلقاه يقسى
ازاى تاني في يوم هتأمنه؟
ولا قلوعه في قلبك ترسى
اتحديت الكل عشانك .. !!
واتحملت انا كل جنانك
كنت بصبر روحي بروحي
قولت مسيري احس حنانك
في العادة
عمال تقسى وبتتمادى
قولت لقلبي وايه يصبرني؟
حتى بعادنا هايبقى عبادة
كنت لروحي بتحداها
انك تاني تحوم فى سماها
انسى اللي انت عارفها زمان
وانسى انك هاتنول لرضاها
____________________
بقلم / فتحي ندى بورسعيد