يا مركب الشوق .... للأستاذة. مشاعل أحمد

 أم وحيد..

أمى الغالية..

ام وحيد..

بكتبلك م الغربة..

رسالة..

ف بعدى أنا عنك..

شارب المر..

ولا ف شئ ياما..

عاد بيسر..

قعد الحزن..

ف قلبى وربع..

بعد ما زاح..

الفرح وشاله..

بدي الناس بايديا دواهم..

وشى بيضحك..

وقلبى  عليل..

بيت مهجور..

وحيطانه جريد..

أمى الغالية..

أم وحيد..

مش مستغرب..

حبى أنا ليك..

ومش مستغرب..

خوفى عليك..

أنا مستغرب.. إزاي عايش..

وقلبى معاك..

دايب فيك..

سيبته معاك..

ورحت بعيد..

أمى الغالية

أم وحيد..

عمرى ما هنسى..

طيبة قلبك..

لمسة إيدك..

ضحكة وشك..

نومتي ف حضنك..

عمرى ما هنسى..

تعب سنينك..

دمعة عينك..

ولحظات حزنك..

عمرى ما هنسى..

ياما دعاك..

وأنا وياك..

أو حتى بعيد..

أمى الغالية..

أم وحيد..

كل رسايلي..

وكل قصايدي..

وكل اشعاري..

مش راح يوصفوا..

حبى أنا ليك..

كل هدوئي..

وكل شجوني..

وحتى سكونى..

عايز يصرخ..

مشتاق ليك..

وبحكي وأعيد..

كل ثانية وانت معايا..

يامايا عيد..

يا نبض القلب..

يامي يا غالية..

يام وحيد...

  

                النميرى نافع