ركبت الخيل وتكادت العلفة
مال عودي حرن وصد خلفة
ما گر فيه لا علف وما عرف وفا
واش كان قاصد ولا صدفة
بقيت نبحث على العيب
لقيتو ساكن جنب الخيمة
مشمر على كل المصايب
وسماه ما طلع فيها غيمة
ظنيتك يا العدو غير غريب
وانت جعران لاصق البهيمة
ما تفرق لا بين بعيد ولا قريب
فمك لازمو دار ليه شكيمة
مالك شحال عنيد وصعيب
راه هاذالسكة ولات قديمة
جرب تولي بيض حليب
ولا تكثر كلام ولا شتيمة
والحوت ما يجيبو ع السبيب
واتكايس ودير لراسك قيمة
راه الدنيا غير قسمة ونصيب
والفوز بالجنان ربحة عظيمة
لا تبقى غ تدي الهضرة وتجيب
راه فعايل النفوس الذميمة
رسي على بر تنغم وتصيب
ولا تكون من الناس العديمة
نجات بوريشة