كلمات صبرى عبد الواحد الحساني
معلم بمدرسة الإصلاح الزراعي بنجع حمادى
محافظة قنا جمهورية مصر العربية
الزمن غير الزمن
القطه ما بتاكلش عيالها
والاخ ما يهونش على اخوه
والولد ما يعصاش أبوه
وتحت رجليه تلقوه
والنار ما تحرقش مؤمن
كلام كنا بنسمعوه
والبنت بتخاف وتخشى
وليس واسع يلبسوه
والمؤمن يقولو منصاب
لو فى مصيبه شافوه
والحب كان فى صمت
دلوقتى على النت ينشروه
والناس كان بينها محبه
والحقد ما كانوا يعرفوه
والكبير كان ليه كلمه
وكلامه كانوا يسمعوه
والكلب كان للحراسه
دلوقتى على السرير بينوموه
والراجل كان قيمه ومعنى
دلوقتى عياله بيضربوه
والست تفتخر بالراجل
دلوقتى الوضع قلبوه
يازمن بقيت من العجايب
الواد بيشتم أبوه
والست تقول لعيالها
بره البيت طلعوه
يازمن العجائب والعبر
الحياء خلاص رفعوه
القطه بتاكل عيالها
والاخ بيهون على اخوه
الولد بيعصى أبوه
والصوت يعلى ويشتموه
والنار بتحرق المؤمن
وده. دلوقتى بنشوفوه
والبنت لا بتخاف ولا تخشى
ولبس مقطع لبسوه
ويقولوا. قال ايه دى موضه
والشعر الطويل قصروه
القطه بقت تاكل عيالها
والاخ بقى بهون على أخوه