وايه يعنى
وايه يعنى تروح وتغيب
ومن امتى انت كنت قريب
عشقت الحب فى وجودك
وفاكراك انك انت حبيب
وايه يعنى
سنين بتفوت على بُعادك
صبرت كتير على عنادك
داريت الدمع ف عيونى
وكان حلمى فى اسعادك
وايه يعنى
تكلمنى بكلام يوجع
وانادى عليك ولا بتسمع
وابكى عليك مسا وصباح
ياريت الدمع كان ينفع
وايه يعنى
بتهجرنى شهور وسنين
يتوه عقلى مع التا يهين
ولما تعود لى من تانى
يكون قلبك قاسى وضنين
وايه يعنى
مسير الذكرى هتجيبك
وتفتكر ان انا حبيبك
ساعتها ف قلبى راح اشيلك
ووعدى ليك ماراح اسيبك
وايه يعنى
شعر احمد اسماعيل / شاعر العرب
