كأس الوداع
وشربنا من كأس الوداع
ونبكى على العمر اللى ضاع
وبتسالينى مين اشترى
ومين اللى باع
اسالى مرارة الكؤوس
ومين على جراحى يدوس
واسالى خوفى عليكى
واسالى الغدر ف عينيكى
وارجعى لأيام زمان
لما كان بيننا امان
وفكرى فى حنانى ليكى
وقلب بالغالى شاريكى
واسالى حتى المكان
واسالى شوقى اليكى
شوق بيوصل للجنان
كل ده راح وانقضى
حلم ضاع راح فى الفضا
وانتى راجعه تسالينى ؟
ليه دموعى وليه انينى
حب كان صادق شريف
راح مع عمرى وسنينى
أه تعبت من الخداع
لما انطفى نور الشعاع
وانتى راجعه وببساطه
تسقينى من كأس الوداع
شعر احمد اسماعيل / شاعر العرب
