نسمة صيف
اشوف طيفك كنسمه صيف
بيعدل لى المزاج والكيف
يحسسنى بدفئ غريب
يداوينى كأنه طبيب
واحس معاكى بالفرحه
وعيونى فى الجمال سارحه
يشاغلنى الغرام فيكى
فى نن العين اداريكى
واعود وحدى مع جراحى
وافكر فيك وانا صاحى
وأقول يانسمه فين رُوحتى
وليه بالحب مابُحتى
ده عطرك فى الفضا فواح
يشاغلنى مسا وصباح
خطفتى القلب ونجحتى
نسيت نفسى ونسيت راحتى
وكان نفسى انام وارتاح
وحضن النسمه يداوينى
بعطر الورد يروينى
ده حبى ليكى والله شريف
ينام يحلم بنسمه صيف
شعر أحمد اسماعيل / شاعر العرب
