كلمات ليست مقصوده هى عبارة عن أفكار وخواطر
كتبت هذه الكلمات اقول فيها
غلبان ده ولا عبيط
غلبان والله صاحبى** فاكرنى فى بعده هحتار
مش عارف أنه صبرى** ممكن يفوت فى النار
والصحرا لو دخلتها** تبقى زهور واشجار
واقدر اشيل الجبل** من غير ما اكسره أحجار
وبنظره منى الحجر** يطقطق كأنه فشار
ولا عمرى فى يوم اتزنقت** ولا عمرى فى يوم احتار
ربك ساندنى وناصرنى** خليك قاعد على نار
غلبان ده ولا عبيط
غلبان والله صاحبى** فاكر أنه حاجه كبيره
مش عارف أنه فى قربى** يبقاله شرف وقيمه
وفى بعده عنى خسر** مقامه وحاجات كتيره
غلبان ده ولا عبيط
عبيط والله صاحبى،** حتى ما عارف يدارى
الكره فى عينه واضح** وكان محسوب من رجالى
اديله مهما اديله**وعايز يقطع حبالى
وانا اللى كنت فاكره**, اقرب من عمى وخالى
طلع فى حزنى فرحه** وعمره ما خير اتمنالى
غلبان ده ولا عبيط
غلبان صاحبى وعببط** اقول ربنا يهديه
وعلى كد نيته** يارب كيل واعطيه
غلبان ده ولا عبيط
غلبان والله صاحبى** بلونه منفوخه
غلبان والله صاحبى** حيطه مايله ومشروخه
كلمات /صبرى عبد الواحد الحساني معلم بمدرسة الإصلاح الزراعي بنجع حمادي
