جرحتينى
عشقتك ليه جرحتينى
فى ليل الغُربه ترمينى
خساره عمرى وسنينى
جرحتينى
وليه ياعيونى ليه تبكى
قوليلى لمين نروح نشكى
كفايه جراح بلاش نحكى
جرحتينى
سقيتك من كاسات الشوق
رفعتك نجمه عاليه لفوق
عملتك بأحترام وبذوق
وجرحتينى
قاسيت المُر علشانك
رضيت ذُلك مع هوانك
بكيت ياما لأحزانك
وجرحتينى
زرعتى الشوك فى احلامى
ولا بتهتمى لكلامى
ولا حسيتى بغرامى
وجرحتينى
وكان حبك خداع فى خداع
بكيت وحدى مع الاوجاع
على عمرى اللى عدى وضاع
برافو صحيح كسرتينى
ودمع العين بيكوينى
حلمت ف يوم تضمينى
لدنيا العشق تاخدينى
لكن خابت ظنونى فيك
سؤال واحد وردى عليه
قوليلى ليه جرحتينى
شعر أحمد اسماعيل / شاعر العرب
