حب لايرى الشمس
مابين صمت الكلام والهمس
وبين ذكرى كانت بالامس
ورغم حنين مالى قلوبنا
قدر مرسوم فى مكتوبنا
فى حب لم تصادفه الشمس
حاولنا نخطى اى صعاب
ونبعد عن خصام وعتاب
ويوم ماحاولنا نتصالح
كان المكتوب فراق وعذاب
مشينا فوق طريق اشواك
بتهوانى وانا بهواك
ونبض القلب داب فى هواك
لكن طبع الهوى غلاب
ميزان العشق مُش معدول
فراق وخصام ؟/ده مش معقول
ياليل امتى الشموس تطلع
ونشكى لمين ومين يسمع
مابين اليأس والحيره
وبين الشك والغيره
امال ضاعت مابين قلبين
ودمعه تسيل على الخدين
جراح فى قلوبنا مكتومه
ونهايه قصة معلومه
مكتوبه بدموع واهات
قطار الحلم مر وفات
وبين يومى وغدى والامس
وفقدان الامل واليأس
فى حب لم تراه الشمس
شعر احمد اسماعيل / شاعر العرب
