قالوا أسمر
قالوا اسمر قُلت مالو
ياختى على حُسنه وجمالُه
فى الجمال الله عليه
عينى ماشافت مثالُه
ايوه اسمر بس عاجب
وف سماره قلبى دايب
لونها من لون الليالى
وحبها غير لى حالى
عطرها عبق العبير
الورود منها تغير
والعيون تهمس تقول
همس يقتل 100 عزول
بس قلبى ياناس صغير
نفسى قلب يكون كبير
قول ياقلب انطق وعبر
حبها مكتوب / مقدر
نبض قلبى صرخ وقال
اه بحبك انت يا اسمر
شعر احمد اسماعيل / شاعر العرب
