كلمات شاعر بنى هاشم
الشاعر صبرى عبد الواحد الحساني
ما تبصش وراك
فوت يلا عدى
واقف مستنى إيه
الزمن مش هيستنى
علشان تنده عليه
اللى راح خلاص راح
اوعاك تحزن عليه
خليك باصص لقدام
الكل مفتح عنيه
الراجل بيكون مكروه
لو مش واقف على رجليه
والكلمه خليها من جوفك
كلامك هتتحاسب عليه
ربك كريم مطلع
ازاى هتكذب عليه
والاخره جنه أو نار
والخاين هتبكى عنيه
ما تبصش وراك
لبه تبص وراك
وتوقع وانت ماشى
دنيا غروره وكدابه
يا صاحبى ما تسواشى
طريق ما شيين فيه
والكل جاى يوم وماشى
الغنى زى الفقير
فى القبر ما فرقاشى
الكفن لو من حرير
أو قطن كله ماشى
جمعت أموال واطيان
الاكفان.جيوب ما فيهاشى
حاسب نفسك قبل.ما تتحاسب
الدنيا كلها ما مستهلاشى
خد من اللى فات عبره
والناس الوحشه ما تعاشرهاشى
معاها ذنوبك تزيد
والخير معاهم ما تلقاشى
ما تبصش وراك وكمل
الدنيا على حد ما وقفاشى
القبر جنه أو نار
غير كده ما هتلقاشى
سيب الأمور على الله
وكما وخليك ماشى
