ضى القمر
فى ضى القمر شيفاك
وروحى وقلبى معاك
ولو عنى حبيبى تغيب
طول عمرى راح استناك
ياقمرى وعالى لفوق
ده نورك ضياء وشروق
راح احبك حبيبى كتير
ده ف بُعدك قتلنى الشوق
فى ضوء القمر احلام
تلاغينى بأحلى كلام
اسهر لك حبيب الروح
ولا عمرى فى لحظه انام
على ضوء القمر مواويل
اسمعها وقلبى يميل
انزل لى بقى ياجميل
نور لى ظلام الليل
رجع لى ليالى زمان
ده انا جنبك بعيش فى امان
لو عايز لحبى دليل
شوف دمع الخدود بيسيل
انا صابره سنين وسنين
فكفايه اسى وحرمان