مساء الورد
مساء الورد والازهار
على القلب الى بات محتار
ولا طايل يروح جنه
ولا طايل عذاب النار
باقات م الورد ف ايديكى
ونظره حب ف عنيكى
وانا تايه بين البساتين
وبنصبح على الحلوين
لا أنا خاين ولا غدار
ده انا عاشق من المساكين
بتسقى الورد من شهدك
ومتلون بلون خدك
ده حتى الورد بيحبك
ويتمنى ينول ودك
ومستنى يشوف ردك
وانا واقف على بابك
ياريتنى اعز احبابك
مكانى يكون فى اهدابك
وتسقينى الحنان كُله
وقلب يميل على خلُه
ينام / يرتاح مع ظله
ويحمينى م المطر والبرد
ويطبع بوسه فوق الخد
ساعتها هاقول مساء الورد
شعر احمد اسماعيل/ شاعر العرب
