إوصف لي إحساسك ايه ؟!
..
تعمل ايه لو كنت مكانهم ؟!
والقصف دا كان جاي عليك
تصرخ و تنادي يا عالم
و لا واحد راح يسأل فيك
....
تصحى من النوم علي تفجير
تجري بسرعه بدون تفكير
هدوموا البيت والوضع خطير
مات ولدك و أعز ما ليك
....
تجري علي المستشفي اوام
تلاقيها من القصف حطام
اطفال ياما و ضحايا و ركام
لا طبيب و لا مأوي يداريك
....
إوصف لي إحساسك ايه ؟!
لو بنتك يخطفها سفيه ؟!
و ابنك مفقود مش تلاقيه ؟!
و انت اسير بإدين اعاديك ؟!
....
إحساس صعب
لما يكون بينك و ما بينهم
سور ورا سور
نار في القلب
لما في وطنك تمشي لوحدك
طريق مقدور
و محدش هنا حاسس بيك
....
إتخيل لو كنت هناك
و اللي بيحصل ده وياك
والدنيا شايفه و سمعاك
ومفيش حد ياخد بإديك
إوصف لي إحساسك إيه ؟!
....
بقلم / الرفاعي الحداد
