رفضتى حبى
هجرتينى سنين وسنين
مابين لهفه وشجن وانين
وبين دمعه بتتساقط
وتنزل تحرق الخدين
رفضتى حبى وسافرتى
قوليلى ازاى كده قدرتى
وانا عاملتك بكل حنان
وشوفتى ف حضنى كل أمان
وطار حلمى كما الدخان
رفضتى حبى وقسيتى
وسيبتى الذكرى ومشيتى
وراجعه تقولى ندمانه
بشوق وحنين وهيمانه
خلاص العمر فات منى
وليه منك بتحرمنى
كرهت الحب من بعدك
ومن بُعدك ومن صدك
جمالك مستحيل هيدوم
دقيقه / ساعه / او كام يوم
شوفى لك حب غير قلبى
ده ذنبك والله مش ذنبى
ده درس ليكى ياعمرى
عشان رفضانى انا وحبى
شعر احمد اسماعيل / شاعر العرب
