كلمات شاعر بنى هاشم
الشاعر صبرى عبد الواحد الحساني
طلب منى ابنى نصيحة تنير له طريقه وتساعده على اختيار أصدقاءه فى حياته المستقبلية
فلخصت عصارةتجربتى فى هذه الكلمات
صاحب وما تصاحبش
صاحب الراجل الجدع
اللى لو وقعت يشيلك
وما تصاحب اللى يسيبك
وقت الجد ويرميلك
صاحب الراجل الأصيل
اللى لو ندهت عليه يجيلك
وما تصاحب الراجل الندل
اللى لو احتجته ما يعينك
صاحب ابن الاصول تلقاه
لو طلبت عينه يديلك
وما تصاحب قليل الاصل
حكايات كذب يحكيلك
صاحب راجل يقول الكلمه ويفعل
ولو زعلان ممكن يغنيلك
وما تصاحب راجل يرجع فى كلامه
. وكل همه يكون تغريمك
صاحب راجل يكون قلبه ابيض
عمره ما يزيد عليك تحميلك
وما تصاحب راجل ما ليهوش كلمه
لو غلطت غلطه عمره ما يعديلك
صاحب اللى زيك وهواك على هواه
يتعامل معاك بشرعك ودينك
وما تصاحب الراجل الفطفاط
دايما يجادل والخير ما ينويلك
صاحب وما تصاحب
بصحبة الخير يا ابنى أنا بدعيلك
اللهم بارك فى اولادنا وارزقهم الصحبة الطيبه
