كلمات شاعر بنى هاشم
الشاعر صبرى عبد الواحد الحساني
لا تعاتب ولا تخاصم
لا عتاب ولا خصام
ولا تقلب فى اللى فات
حلو كان أو مر
اعتبره ماضى وذكريات
حبايب كانوا أو أعداء
كفايه تعبنا من الآهات
يا صاحبى عمره ما هيرجع
اللى اندفن فى قبره ومات
لا تعاتب أو حتى تلوم
لكن علم عليهم علامات
غريب كان أو قريب
اعتبرهم من الذكريات
يا صاحبى فى الدنيامره
هنعيش مش مرات
تضيعها ايه فى العتاب
ومره خد زمرة هات
وده ظالم وده مظلوم
اخرتها يا صاحبى ممات
ويقولوا. كان فلان
وتبقى ماضى فات
انظر لحالك ونفسك
وابعد عن الآهات
لو فى مكان تاعبك
ما تسيبش فيه ذكريات
ولو صاحب ليك يسيء
علم واعتبره مات
الدنيا مش مستاهله
عتاب وخد وهات
لا تعاتب ولا تخاصم
ولا تقلب فى اللى فات
