علمني انساك
زي ما علمتني اهواك
زي ما عودتني رؤياك
زي ما خدت القلب معاك
علم قلبي ازاي ينساك
ابعد مركبي عن مرساك
علمني انساك
دانت مشيت وسايبلي جراح
بعدك قلبي ما يوم ارتاح
خدت معاك كل الافراح
سبت لعيني دموع ونواح
رحت وخدت الروح وياك
عارف البعد ماكانش بإيدك
كان متقدر بيني وبينك
صنت الوعد وشيلته ف عينك
بس انا دمي معاك ف وريدك
ايوه بتنبض بيه شرايينك
دقة قلبي تقوللي بريدك
يبقى ازاي ممكن انساك
مهما انا مر ف عمري وفات
مهما كوتني دموع واهات
حبك حي وعمره ما مات
عمر ما بكره هيمحي ساعات
عاشها القلب معاك ف وداد
لأ ده انا قلبي محال ينساك
علمني انساك
بقلمي/ خالد جمال ٢٩/٦/٢٠٢٤
