اتغيرت
مابقتشي خلاص زي الاول
ايوه اتغيرت
بس اتغيرت انا للأفضل
م الماضي هربت
مابقتشي بخاف احسن تزعل
ايوه اتجرأت
دانا شفت معاك فوق ما اتحمل
ياما اتحيرت
لو ناوي تسيب قلبي وترحل
ارحل دلوقت
كت روحي معاك عايشه تعاني
اشواق لهواك كت سجناني
كت ماحيه كياني وطوياني
سكينه معاك كت سرقاني
بخلص لهواك وانت اناني
ده محال هرجعلك من تاني
اصلي اتحررت
كت فرحتي بيك مش سايعاني
كت لهفتي ليك ماليه كياني
كت دمعة عيني مطاوعاني
كان خوفي لَقلبك ينساني
بس انا دلوقتي واحد تاني
مش زي ما كنت
ما انا اصلي زمان كان جوايا
اشواق لهواك مالها نهايه
كان نن عنيك نجم سمايا
بعت الاحلام خنت هوايا
كان نفسي تكمل ويايا
بس اتأخرت
اصلي اتغيرت
بقلمي/ خالد جمال ٢٦/٦/٢٠٢٤