بنت بلدي
بنت بلدي وغالية عندي
من جمالها آه يا وعدي
سنه لولي وشفه وردي
برتقانه ويوستفندي
سمنه بلدي مش هولندي
هيه فرحي وكل سعدي
زيي مين ده ما حد ادي
في الجمال دي خيال معدي
في الدلال بتجيب تودي
عود غزال وعيون تحدي
شعر سال على ضهره يجري
احلى خال على خده يضوي
قلبي مال فاض بيا وجدي
ليلي طال وتاعبني سُهدي
شئ محال انساها عمري
حاسه بيا وعارفه طبعي
لمسه منها تشيل ف وجعي
لو ف جوعي بتبقى شبعي
لو عطشت تكونلي نبعي
لو تنادي تقول يا سبعي
غيرها والله يا ناس مابدي
بنت بلدي
بقلمي/ خالد جمال ٢١/٦/٢٠٢٤