يا مركب الشوق .... للأستاذة. مشاعل أحمد

حب علي الفيس

اشتريت نفس البضاعه

اللي اتباعت لي قبلك؟؟؟ 

بالبتاع. ثم البتاعه.. 

تستغل الناصحه هبلك

بوست جامد.. كلمتين

قلب جواه نن عين.. 

ياحبيبي  انت فين؟؟ 

ياواحشني نفسي اقابلك

بوست جواه قلوب كتير

والورود حواليه تطير.. 

لكن السر الخطير.. 

دى اشتغاله..  مش حقيقه

والقلوب دى مش بريءه

.......        ........ 

واللي يبدأ بالسلام.. 

ثم نظره.. فاأبتسام.. 

وابتسام عايزه تقابلك.. 

واللي قالت لك ياغالي

حاطه صوره تركي لطيفه

في الاساس تشبه لخالي

بس اعوذ بالله.. مخيفه

لو تعوز توصف جمالها.. 

شعرها اكرت.. وليفه

عامله انجلينا جولي.. 

وهي خالتي ام حنيفه

تدخل الحمام حافيه

عمرها ماكانت نضيفه.. 

عمرها ما يوم تصونك

دى نفوس خاينه وضعيفه

........        .......... 

قالت بابا مستشار.. 

وهو كان بياع خضار

جد ماما اصله شامي.. 

جد ماما كان حرامي

اوعي تتعلق بصوره

مبعوته لك فيها سهم.. 

تصبح الغلطه بفوره.. 

اصل حب الفيس ده وهم. 

.............................. 

شعر/ نصر سيد بدر طلحه القاهره 

@ اشاره @الجميع