نصيب
بتقول نصيب مانكونش لبعض
بتقول قدرنا ده نتفارق
بعت الغرام واخترت البعد
ولا اي حلم معاك فارق
طب فين كلامنا وفين الوعد
ف الحلوه والمره نشارك
همس المحبه معاك بقى رعد
وف بحر خوفنا الشوق غارق
صرح الغرام ف ثواني اتهد
ضاع الوئام وبنتعارك
دانا كنت بخلص ليك وبجد
كنت بغرامك بتبارك
كان قلبي ليكي الدفا م البرد
والروح كمان وطنِك دارِك
وأدت فينا الروح والود
ورضيع هيامنا عليه بارك
ليه بالأسى بدلت السعد
فجر الغرام بقى ليل حالك
دوقت العذاب وسقيتني المر
ودموع عيوني معاك سالت
طب مين يرجع ليا العمر
وسنين معاك ف الشوق ماتت
فوضت فيك لله الامر
على عمر راح وسنين فاتت
بقلمي/ خالد جمال ١٥/٧/٢٠٢٤