يا سلام عليك
على طباعك واوصافك
يا صايد قلبي خُطّافك
شراعي وروحي مجدافك
يا شاغل كل مين شافك
بجمال عينيك
ياسلام عليك
على الخد اللي متبسّم
على القد اللي متقسم
تعدي النسمه بتنسّم
وتميل عليك
يا سلام عليك
على الشعر اللي طال ليله
على السحر اللي فاض سيله
على جبين تضوي قناديله
وحُسن ماليك
على شياكتك وروشنتك
على شهامتك وجدعنتك
دي روحي عليها وامنتك
واهبها اليك
يا سيد الناس وتاج راسي
يا اصلي وفصلي واساسي
يا مالك فيا احساسي
ربنا يخليك
يا سلام عليك
بقلمي/ خالد جمال ٨/٧/٢٠٢٤
