مش قضية
مش حكايه ومش قضية
مش نهاية هيّه ليَّا
يوم ماقلبك جه عليا
يوم ما خنت وبعتني
ايوه جرحك فيا علم
كت ضربتك ضربة معلم
بس قلبي محال يسلم
لو كمان ودعتني
ايوه كنت خام وشَب
اي كلمة بقول ده حب
بس لمّا قلبي طب
ف الغرام ضيعتني
جرح قلبي مسيره يهدى
وابتدي انا من جديد
عادي يعني حب عدى
بكره جاي بشوق وليد
بس لازم م النهاردة
اخده عِبرة واستفيد
مانخدعشي ف اي وردة
شوكها بيجرَّح ف إيد
لو فاضلي ف قلبي نبضة
برضه هعشق من جديد
هلقى وردة صافية ليا تبان ندية
مش قضيه
بقلمي/ خالد جمال ٣/٧/٢٠٢٤
