حبيبي تقيل
بجد يا ناس مغلبني
نهار أو ليل
تملي هواه بيغلبني
وروحي تميل
ليه بس مُصِرّ يتعبني
ودمعي يسيل
خلاص بقى روحي هتسيبني
وقلبي عليل
عيونه خيال وعوده روعة
رموش قادرين
عرفنا التقل ليك صنعة
خلاص فاهمين
حرام ده القلب فيه ولعه
عايشها انين
ليه دايما صد وملاوعة
شمال ويمين
اقرب ليه يقوللي اوعى
يا واد على مين
منين مابروح وداني سامعة
كلام لايمين
تعبنا يا سيدي والنعمة
غلبنا سنين
يا عم شويه م الرحمة
وحبة لين
ده شوقي ف قلبي نار تحمى
وامتى تميل
حبيبي تقيل
بقلمي / خالد جمال ٦/٧/٢٠٢٤
