كلام العين
مهموم بحبي مشغول بقلبي
علشان بداري ومُصِرٌ اخبي
قاعد وحالي صعب وعاديك
بتقوللي مالك إيه اللي فيك
هوِّن عليك دانا حاسه بيك
وشايفه ف عنيك كلمة (بحبِك)
قولتلها ياه باين بجد
بتقول كمان جواك حنان
بتقول هعيش العمر جمبِك
رديت كده شيء فاق الحد
بتقول لا عمري عشقت قبلِك
قلت ف سُكاتي ولا خدني وعد
بتقول بتوه اول ماقابلِك
رديت عشان حاسين ببعض
بتقول مفيش ف الحسن قدِك
رديت اكيد ولا زيه حد
بتقول بدوب همس ف شفايفِك
مزبوط عشان انا دوبت وجد
قالتلي قول طب ليه خجول
أنطق بقى كلمة بحبِك
رديت كلام العين اشد