بتغير عليا
ومراقبه فيا حركة عنيا
بصيت لديه وعاكست ديه
نظرة عيوني لأ مش عاديه
حتى ف سلامي بتلوم عليأ
لو طوِّلت ماسكة ايديا
يدوب شويه
وإن مره عدِّت واحده جمبي
وغصب عني توهت وسرحت
تقوللي لأه شايفاك يا قلبي
بتبص ليها من فوق لتحت
مع ان ده
ماحصلشي خالص
ورغم ذلك
بقولها حقك عليا
مفيش خروجه غير لما ترجع
منكده وشايله هم
تفضل تعيد ف نفس القصيده
متعمده تقلبها غم
دي مصممه وكمان عنيده
مع أنه كله خيال ووهم
بقى امر عادي افضل ادادي
واقول خلاص امرك يا عم
علشان تعدي الليله ديه
عارف انها بتحبني
بس الغرام ف طبعها
بقى حاجه صعب
وكمان غيرتها من قلبها
اكبر دليل على حبها
بس الهوى كده يبقى رعب
صابر عشان بحبها وبخلصلها
وكمان ليلاتي بقول يا رب
يعقل ف يوم بقى قلبها
ونعيش حياتنا ف شوق وحب
تبقى الحياه ايام هنيه
بتغير عليا
بقلمي/ خالد جمال ٤/٧/٢٠٢٤