عايزة إيه
قولي مني عايزة إيه
عايزة قلب
شوق وحب
ولا وقت تضيعيه
عايزة حد يحنلك وتحني لِيه
يبقى سلوى ف وحدتك تتأنسي بيه
ضهر ليكي ف شدتك تتحامي فيه
عين بتحرس
روح بتهمس
قلب يخلِص
يدي غالي وياخده أرخص
ولا شئ تتسلي بيه
عايزه قلب من الزمن
تتداري فيه
تلقي فيه امن وسكن
وتعيشي ليه
حب غالي مالوش تمن
صعب تلاقيه
حب ليكي كما الوطن
تعتزي بيه
قلب تِنسي معاه المحن
يسعدك وتسعديه
ولا قلب تبكِّي فيه
إللى عندي شوق وود
حب غالي مالوهشي حد
قلب شاري يصون بجد
حب عمره ما وطّى حد
يعلى بيكي وتعلي بيه
اما حب يقل قيمة
حب نواياه مش سليمة
نزوه رغبه تفوت ف ليلة
حب غرقان ف الرذيلة
عند غيري هتلاقيه
عايزه ايه
بقلمي/ خالد جمال ١٠/٧/٢٠٢٤
