طي النسيان
ما كانشي غرام
ولا حتى كان اعجاب وهيام
كان عشق جادت بيه الايام
كان حلم نادر م الأحلام
نظرة عنيه كت ترمي سلام
لمسة ايديه بتداوي اوام
الهمسة فيه لحن وانغام
ضيعته مني عشان أوهام
علشان سمعت من اللوَّام
ومشيت كده ورا اي كلام
لا ليه دليل ولا ليه برهان
كلام رخيص كدب وبهتان
راح من ايديا عليا وهان
وهقضي عمري عليه ندمان
إحذر يا عاشق ويا ولهان
كلام زؤام يهدم أركان
اصل البشر غدرها الوان
حب اللي حبك مهما ان كان
ضلل عليه واديله امان
لتدوق ضنا مر وحرمان
وتتوه شريد من غير عنوان
وتعيش كده طي النسيان
بقلمي/ خالد جمال ٣٠/٩/٢٠٢٤