يا مركب الشوق .... للأستاذة. مشاعل أحمد

ومين يعلم...؟!!!

انا فاكرة ومش ناسية .

.ومين ينسى سنين عمره ولو قاسية.؟!

.دانا لو جبت كل دقيقة من عمري

 أحاسبها وأعاتبها على غيابها 

هالاقي دقيقة فاكرني 

وألاقي التانية مش ناسية..

لكنني خدت مالأيام على القسوة 

فلا هأعتب ولا هأندب 

وهاستني تفوت مرة 

على شطي بمراكبها اللي مش راسية.

.ومين يعلم..؟؟

ما جايز آخر الحدوتة ملتوتة.

. وألاقي الفارس الأبيض 

على حصانه بيخطفني

 ويجري بعيد على الجنة

 اللي ياما حلمت أدخلها 

رغم خريف أشجاري

 اللي مش كاسية..

ومين يعلم؟!!

 ما جايز تبقى آخرتها 

ختام بالمسك والعنبر 

وأسيب الدنيا وأنا راضية

 عليها رغم كل ما كان .

.وأقول من تاني:..

 فاكراكي يا رحلة عمري

 مش ناسية..

بقلمي عبيرالصلاحي 

من ديواني تعالى أما أقولك