يا خسارة
لما افتكر
دمعة حبيبي عشان هواه
بحس بمرارة
بقول ف نفسي اهين وآه
والف يا خسارة
مانا اللي اصلي جنيت عليه
وبايدي بعته
كنت السبب ف دموع عنيه
وبقسوة ضيعته
ده عشان براءته لعبت بيه
وكتير لاوعته
كان لي الدوا وانا كنت ليه
ألمه ووجيعته
شفت الامان كله ف عنيه
وانا ياما روّعته
دلوقتي ليه
ندمان عليه
بتقول يا ريتني زمان طاوعته
سبت الدهب مارضيتشي بيه
ليه بالرخيص يا قلبي بعته
خنت اللي امنك وبجدارة
ليه اللي يضعف ف الهوى
بتكون نهايته انه انكوى
والغدر اخره
تلاقيه تملي يضيع كده
ويكون كمان كبش الفدا
الخوف طواه والحزن اسره
بيعيش حياته
وجراحة عايشة ليوم مماته
سهران يآسى الليل واخره
واللي عليه كان قلبه جاني
حب نفسه وعاش اناني
يلقى الندم حواليه محاصره
ياهل الهوى
نصيحه من قلب انكسر
ضاع منه خله مالوش اثر
اياك تفرط في اللي قلبه مال اليك
لو إيه حصل
اصل الهوى سلف ودين
لو يوم ظلمت هتتظلم
لو بعد حين
دي الدنيا دوارة
يا خسارة
بقلمي/ خالد جمال ٧/٩/٢٠٢٤