ثانية الا ثانية
جيت ف لحظه ملكت عيني
خدت قلبي لدنيا تانية
لحظة ايه ده كلام روتيني
بالكتير ثانية الا ثانية
مش مبالغة عشان حبيبي
أو عشان ف القلب غالية
بس لما شافتها عيني
قلبي داب سلم ف ثانية
الغرام بينك وبيني
ايوه صح ماخدش ثانية
الهيام بقى فيض ماليني
والكلام روح ف ثانية
لما اقابله وبيلاقيني
ليه الدقيقة بتبقى ثانية
يابني زي ماخدت عيني
اوعى تبعد لو لثانية
نفسي اعيش وياك سنيني
اللي باقية ثانية ثانية
لو قالولي تعيش بدونه
عمر تاني ودنيا تانية
لأ معاك اختارها ثانية
اصل ثانية معاك بعيشها
بتبقى دنيا
والحياة من غيرك انت
ما تسوى ثانية
بقلمي/ خالد جمال ٣/٩/٢٠٢٤
