اسمها سمر
جمالها طاغي ودلالها باغي
خلتني تبت عن البنات
بطلت الاغي
بقيت غريق في بحرها
قضت عليا بسحرها
وجابتلي داغي
كل القلوب اتحيرت
وحياتي بيها اتغيرت وطيرت
برجي اللي فاضل من دماغي
دي نجمة ف سمايا دي زي القمر
جاتلي ف ثواني عقدت لساني
قالتلي هس يا روحي بس
عمرك صادفت جمال كده
يا عم البرنس
فياريت تبطل كلام شوية
وبلاش في هري كتير ترص
وتسيب عنيك تحضن عنيا
وكفاية ليا دايما تبص
كل اللي قبليها اتشطب
بقى كوم حطب
حرقه في ثواني حبي ليها
من قبل اللهب
بقى كله ماضي وذكريات
بقى كله لاغي
من يوم هواها ما جه وامر
دي ماليها زي
وجمالها ضرب من الخيال
انوار وضي
قربت خطوة
حسيت بحاجه بتشدني
ع القلب ليها السيطرة
ليها الف سطوة
اشواقه قادت
دقاته زادت
وكأنه سافر بلاد بعيدة
وواخدها جري
روى عشقها جدب الليالي
فاض بيها وغمر
نسيتني اسمي
ضعفتلي جسمي
بقى عقلي تايه ليل نهار
وجناني رسمي
خسيت اوي
وبقيت بفكري عايش لوحدي ومنزوي
وِسِع عليا البنطلون وضيقت الكَمَر
كان حبه فتحة خير عليا
والرزق زاد كده وانهمر
عشان حبيبي قدَّر هوايا
وعشقي فيه يا ناس تمر
بتقولي عايزة عربية فيرنا
قلتلها كده بتدخلي الشيطان ما بينا
قلتلها لأ وكمان فشر
يا برنس ده انت تركب فيراري
تركب BM
او تركب هامر
اسمها سمر
بقلمي / خالد جمال ١٣/١٠/٢٠٢٤
