لذَّة
ياريت غرامي معاه يكون
وبحبه احظى
ولا عمر قلبي عليه يهون
او مرة يأسى
ده شاغلني ساكن ف العيون
والناس ملاحظة
ماقدرشي ابعد عنه يوم
ولا حتى لحظة
م السهد دبلانة الجفون
وعيوني جاحظة
ده الشوق لوحده
وغصب عني
بيتعرف
مافيهوش ظنون
ليه الف مغزي
حسيت بقلبي
ف لحظة مني
بيتخطف
عشق بجنون
حسيت بنغزة
زلزال غرامه
ف قلبي حاجه
ماتتوصف
زلزال حنون
كان احلى هزّة
ده كل يوم عن يوم
بتهواه العيون
ويزيد مَعَزّة
ده غرامه نعمة ربنا
ويا ريت تدوم
ده بجد لذة