ف القلب وف النني
شايلك ف القلب وف النني
جايلك وازاي تبعد عني
دي الروح ف هواك بتقول يا سلام
والقلب ف حبك بيغني
طب ليه يا حبيبي بتتعبني
بتغيب عن عيني وبتسيبني
ماقدرش اتخيل بعدك يوم
ده الفكر لوحده بيرعبني
اصل انت جمالك بزيادة
اصل انت حلاك فوق العادة
نساني زمان دوقت مرارته
بطلني اشرب قهوتي سادة
عارفك يا حبيبي بتعشقني
قلبك داري بيا مصدقني
دانا دبت غرام وبجد حرام
يا ماتلحقنيش او تلحقني
ده الشوق ف عنيك بيقوللي كلام
وبلمس ايديك تحلى الايام
مستني وعمري معاك بيفوت
وحياتك تيجي بسرعه اوام
لو اغمض عيني بكون شايفك
لو اغيب بسمع همس شفايفك
دانا قلبي وقلبك روح واحدة
من ببن ملايين والله عارفك
بقلمي/ خالد جمال ٢٦/١٠/٢٠٢٤
