ورود المحبة...
عبير المحبة بتزهر وروده
وتنشر شذاها فيخضر عوده
في أول لقانا وآخر صفانا
ووسط الحكاية بتكتر وعوده
في أول حكايته...
وروده اللي بيضا
بلون الغلاوة فنكرم وفوده
وبعد أما ينزل بأهلا وسهلا
بيصفر ورده فبتغير خدوده
وتبكي نهارها ويزداد سهرها
وتدبل في عودها أما يبدأ صدوده
وينهي الحكاية بورداته حمرا
رويها بشوقه اللي كسر سدوده
وتنزف غصونه وتروي المحبة
فترجع تزهزه وبتصون عهود
ورود المحبة حكاية صبايا
سباها العبير اللي فارض وجوده
بقلمي عبيرالصلاحي
من ديوان تعال أما اقولك
