عليك...شوية...
عليك ..شوية...
كل يوم بيمر بي.
.صورته بتلازم عيني..
قال لي حارس واشهدي
إن فرحك دين علي
قال لي إوعي تحزني
طول ما قلبك حق لي
قال لي: لو يوم تهجري
الحياة بتلف بي
قال كتييير
من غير كلام
..صوت عيونه
كان إمام
تسجد الأحلام
في حضرة نظرته
وتهدي في
قال: يا غالية.
يا حبيبة العمر.ابقي.
. إنت أمي..
إنت أختي
...وإنت بنت فؤادي لما
سلمك نبضه بإيدي
قال: يا مريم
..يا عفيفة في..
الملامح والسجايا
.. روح وطاهرة
وسط أدران البرايا
.. أصل لما شفت صورتك
اللي لمحك مش عيني
إوعي تنسي..
إنه عمره ماكان ده صدفه
إني اقابلك بعد مشوار الضنا
وأشحتك من ربي لي ..
يا اللي.... باعتبر حبك عطية
قال :يا إنت..لا مش إنت..يا أنا.
.افتحي بيبان الهنا.
.واطلبي ما شئتي حاااالا
.تلقي أحلامك حقايق
حتى لو كانت عصية..
نفسي أخدك في الأماكن كلها
.وألمح الكون ده
بعينيك ونبض قلبك.
أيوه شفت ده كله قبلك
. بس عمري ما شفت
حاجه من جماله..
شوهت حسنه الأسية...
قاااال كتييير.
.ونحت في روحي
بصمة من طيبة جماله
حلمها بالدنيا دية..
لجمت حرفي ابتسامه من عيونه .
دوبت كل المعاني الحلوة
في جمال العطية...
آه عطية .حبه لي
حبه لي..
مش مجرد حلم واستنيت وصوله
أو جمال الفرح وربيعه في فصوله
.لاااااا.ده حبه كان هدية
كان هدية ربي لي.
.كل يوم بيفوت في حبه
بأشتهي اللحظة اللي جيه
وأسأل الأيام أمان فوق كتافه
ألمسه بغمضة عيني
والدفا اللي هجرني عمر
في حضن قلبه
يحتوي رعشة إيدي
والدموع المرة تحلى
وقت فرحة دنيتي
بجمع الأحبة
وألقى عمره كله لي
كل لحظة..كل ثانية.. وكل فانية
لو قضتهم أحب فيك
برده حب العمر كله يا حلاوة الشهد
يبقى عليك شوية
بقلمي عبيرالصلاحي
من ديواني تعال اما اقولك
