وحلء حوش
في دنيا جل من فيها
غيلان ووحوش
زمان اللي اختشوا ماتوا
. فدير دفة المركب
وشوش كلحة مبتكسفوش
في مولد صاحبه مش غايب
سقاه زمنه مرار دايب
ووصى العوزة والحوجة ميرحمهوش
فغمى عيونه بالحسرة
لنفس عزيزة منكسرة
وكمم صرخته بصمته
ولكن صوت لسان حاله
غدر به وبرده ما سترهوش
صحيح اللمة كدابة
وبرده النفس غلابة
بريق الزيف بيأسرها ومتغلبهوش
يأخدها في سكته العوجة
يمد الخطوة معوجة
يحنجل عالصراط غافل مينصحهوش؟!
فزاد في الغي واتجبر.
.وركز زومه عالمنظر
فبان قادر ومتشطر
على اللي زمانه جاب داغه ومنصفهوش
يمصمصوا شفة على شفة
غلابة ووقعوا من الأفة
وقالوا نجيب من الاخر وما اعترضوش
وانا واحد من الساكتين
ببص بقلب نبضه حزين
على المشهد ونفس يكون
كابوس واصحي وما اعيشهوش
قليل البخت والحيلة
.تقيل الحمل و الشيلة
باخاف ع الاهل والعيلة
ولولا انها دنيا لكنت
وقفت للظالم و ما رحمتوش
فلي العذر سامحوني
وقبل ما تسفكوا ودمي
تعالوا وبصوا بعيوني
هتلقوا حالها متشقلب معدلتهوش
فيا دنيا ..
الميزان فيكي صبح مقلوب.
وتوب تشريفتك الزاهي طلع معيوب
ده كل اللي اكل نبئك ميستاهلوش .
ولكن بكرة تتعدل
وحال المايلة يتبدل .
ولو سألوك لمين دامت
فرد بقلبك الجامد
وقول لأهل الوشوش كلحة:
. متتغروش
بقلمي عبيرالصلاحي
من ديواني تعال اما اقولك