ليه متغير
بتتخانق ونتصالح
وعمر ما بات ما بينا خصام
بنتصافى ونتسامح
عشان بينا يا عمري غرام
ولو بزعل معاه ليلة
لابد ارجع ف حضنه وانام
ولو يزعل ماليش حيلة
غير أن اخضع لدمعه اوام
لا عمر زعلنا اسانا
ولا يفرق قلوبنا ملام
ولا عتاب بينا نسانا
حنين خدنا واحلى هيام
تدوب خلافاتنا من نظرة
ومن بسمة تعدي اوام
حبيبي صارحني ايه غيِّر
وايه بدِّل ما بينا الحال
ليه بس تفوتني متحير
وف عنيا لعنيك شكوى
والف سؤال
ليه بس عليا متغير
ولو بينا يدوب خطوة
حاسس بيها ف هواك أميال
ده لو واخدك غرام تاني
يهون قلبي ولا تعاني
دانا ابعد عن هواك ف الحال
ولو هان شوقي وحناني
وشاكك ليك شريك تاني
دي اوهام عايشة فيك وخيال
حبيبي عود لاحضاني
دي روحك مالكة وجداني
ودمك سيل ف شرياني
وقلبك نبضه احياني
وعشقك وعد متقدر
ليه متغير
بقلمي/ خالد جمال ٣/١٠/٢٠٢٤
