وِِين رايحين بيها وِِين ..؟بلعاميةالجزايرية
وِين رايحين بيها وين
هذا عصر التطور ولا عصر الطحِين ..؟
نسونا في التقاليد و الدين
ساد الفساد و طار و دار لجنحين
هذي لمريكان ولا بلاد المسلمين
لعري ولعهر ولغدر...ولخيانه
الناس عبدوا لمال و لملذات و الزين
يا خوتي شاب الراس واستحت العين
من هذا الفعل المشين
يا حصراه على زمان كي كانت الحشمة
و الناس مستورين
اليوم المرا وٓلات راجل والراجل ولا مرآ
و لبس المقطع و زاد القرطين
الشباب ضاع بالاقراص و الهرويين
داروا عصابات خناجر و سيوف و تعمرت بيهم السجون
ولي كلاهم البحر بالملايين
و الوالدين كملت بيهم في دار المسنين
كثرة الرشوة و البيروقراطية والغلبان يا حليلو مسكين
ما لقاش كيفاش ووين يخبي الرجلين
خدعوكم باسم الحرية و التقدم وليتوا كي المجانين
تيكتوك..فايس..وفضايح على الشاشات و التليفون
تفكت الأسر و غرق المجتمع في وحل الشياطين
وين نهضة الإصلاح وين هم رجال الدين..؟
فِيقوا يا مسلمين وين رايحين بيها وين...؟