زجل
( أكل العيش )
أكل العيش خلانا بهايم
والجوع خلاهم بني آدمين
إتسعرنا ومن كتر العزايم
خايفين ناكلك يا فلسطين
إشتغلنا كتير إشترينا إيه؟
إشترينا ذل وبعنا كرامة
خلفنا ولد زرعنا فيه :
حب البطن وكره شهامة
قاعدين
لمة حوالين الطبلية
بنشوف
في: التليفزيون سهرة بالليل
بنمصمص
فى: عضم فلسطينية
إغتصبها
عساكرك ياإسرائيل
ونقوم
م السهرة مش عارفين
القدس حياتنا ولا النيل؟
ونام
وكأني خلاص بنموت
ونشوف
في: الموت راحة من الهم
لا
ضمير سامعين له صوت
ولا
أكلة ملطخة بالدم
نقد ذاتي
ل حربي علي
شاعرالسويس
