.........مكتوب..........
كلمات يحيي العبادي
==============
مكتوب علي الجدران
ادخل هناك بأمان
وادعي وقول يارب
الرحمه يا رحمن
افرد جناح وطير
انت في عش أسير
عمرك مايوم ترتاح
الا ان قدرت تطير
ادخلها من بعدي
انا مش هناك وحدي
اسمع كلامي قوم
وادعي وقول ربي
وحرف جنب حروف
اكتب وبص وشوف
وافهم دا كله جميل
ضيع من القلوب الخوف
انا دليل وطريق
وانت الي اخ شقيق
مهما تكون محتار
هاتشوفني وقت الضيق
انا منك وطبعا ليك
لو شفت كتير حواليك
تلاقيك اعز ماعندي
والحب بأن في عنيك
