قلبي دق
لما شافك ورده نادية
خدت رايه ف ثانيه دق
لما حسك نجمه عالية
جن عقله ونبضه رق
لما قابلك قاللي هيه
هيه ديه وغيرها لأ
لما شاف الابتسامة
قاللي عندك الف حق
لما كان ضيك علامة
ضوى ليله وفجره شق
لما همستله الشفايف
جه وخايف
قاللي شايف قلت عارف
لأ فيه فرق
لما شاف العين حكاية
جه وقاللي خلاص كفاية
عشقه سارح ف الحنايا
سهم حبه صابني رشق
لما حسيت مش ده حاله
جيت ف ودنه سألته ماله
قاللي تهت انا من جماله
جاب يمينه ريح شماله
خلى غربه يبقى شرق
من ساعتها قلبي دق
بقلمي/ خالد جمال ١٦/١٠/٢٠٢٤
