يا مركب الشوق .... للأستاذة. مشاعل أحمد

خليك دوغري 

خليك دوغري....

مانيش واخد على التنطيط.

.ولا غاوي..

 أداري كسفتي في الحيط..

ولا هادأعرف..

 أماشي الزفة وأتشعلق

 كما اليويو في فتلة خيط

دانا من يومي زي القطر 

صوت فعلي ..

مالوش في التيت

فمش ها

هأقدر ...

بعد الشيب ما لوني 

وغير من سواد ليلي

 وعلم عالسنين شخابيط 

أروح..

 ماسح بأستيكة

 تاريخ عمري اللي سطرته 

وضبطته بحسن الصيط

ولا هأمسح نعول الأسياد

 .كما الأوباش

 وأعمل فيها حد عبيط

أنا ثابت ..

كما البندول في بروازه

 أدق الدقة في ميعادها 

تبرجل كل عقل حويط

فمش هأوعد ولا هأعند

 ولا هأسمح..

 لحد يزيط على حسي

 ويصطاد في القنا العكرة

 ويتعشم ..

على حسابي

 يحلى عشوته بقراميط...ههههههه

بقلمي عبيرالصلاحي 

من ديواني تعال أما أقولك